Авто новости

Volkswagen работи за иднината: Како да направите е-автомобил?

18. ноември 2018 - 13:52 | К.З.

Германскиот автомобилски гигант Volkswagen се опорави од големиот скандал „Дизелгејт“, а сега со големи чекори нанапред тргнува кон доминација на пазарот на електрични автомобили.

Volkswagen го префрли целиот фокус на производство на електрични возила, а камен-темелникот на амбициозниот план е фабриката во Цвикау.

Цвикау е град во саксонската област во Германија и е домаќин на најголемата фабрика на компанијата Volkswagen. Се работи за најголемата европска фабрика за електрични возила која произведува повеќе од 330.000 автомобили на годишно ниво.

Максималниот капацитет на фабриката ќе порасне од 1.350 до 1.500 произведени возила дневно, а апсолутниот максимум ќе биде достигнат во 2021 година.

VW ја користеше оваа фабрика и претходно, но сега нејзиниот фокус се префрли исклучиво на произведување електрични возила. Тука се произведува електричната верзија на моделот Golf, а од крајот на наредната година ќе почне да се произведува и компактниот електричен хечбек од линијата I.D..

По последната фаза на развој, погонот во Цвикау ќе произведува шест модели на Volkswagen, сите од нив електрични.

Од компанијата велат дека нивниот план е да владеат со пазарот на електрични возила со тоа што ќе произведуваат милиони автомобили годишно. Остварувањето на овој план се предвидува за 2025 година.

Коментирај