Новиот модел ќе му овозможи на Volvo да влезе во сосема нов сегмент.
Неговото име е EX30, а судејќи според најавното видео, во голема мера се заснова на престижниот EX90.
Најавното видео не дава многу информации. Покрај тоа што е најмалото (електрично) издигнато Volvo досега, дознавме и дека премиерата е закажана за 7 јуни.
Оние со подобра меморија ќе се сетат дека EX30 беше најавен минатата година, во исто време со EX90. Стилски се заснова на неговиот поголем и далеку поскап брат, а шведскиот дизајнерски израз е надополнет со посебни задни светла и пикселирани предни светла.
Реално е да се очекува дека моделот ќе ја користи SEA (Sustainable Experience Architecture) на Geely, која веќе ја користат Smart#1 и Zeekr X.
Очекувано, ќе бидат понудени само електрични верзии, веројатно со еден или два електромотори.
И да, за разлика од останатиот дел од гамата, цената треба да биде еден од адутите за овој модел.