И покрај постојаното зголемување на побарувачката за кросовери и теренци, шведската автомобилска компанија нема намера да се откаже од производството на своите лимузини и каравани.
Volvo останува една од автомобилските компании која покрај се попопуларните кросовер/SUV модели, ќе продолжи да им нуди на своите клиенти „неподигнати“ модели во лимузинска и караванска форма на каросеријата.
Претходно беше најавено дека актуелните модели S/V60 и S/V90 наскоро ќе бидат заменети со нова генерација, а раководството на шведската автомобилска компанија откри дека новите модели ќе имаат значително позаоблени каросерии и генерално ќе бидат уште попривлечни за потенцијални купувачи кои не се расположени да купуваат кросовери/теренци.
Во исто време, Volvo ќе ја прошири својата постоечка палета на подигнати модели (XC) и значително ќе го зголеми производството на електрични модели, кои до 2025 година треба да сочинуваат 50 проценти од нивното вкупно производство.