Volvo објави фотографии и технички детали околу новата генерација на моделот V6 воочи светската премиера закажана за саемот на автомобили во Женева.
Шведскиот произведувач, кој повеќе од половина век е препознатлив по своите каравани, го претстави најновиот модел од тој тип Volvo V60 за 2019 година.
Дизајнерски, новиот V60 се надоврзува на, за еден број поголемиот, Volvo V90, но користи и заедничка модуларна SPA (Scalable Product Architecture) механичка платоформа.
Една од најважните особини на караван возилата е нивната функционалност и пространост, како патничката кабина, така и гепекот.
Новиот V60 ги задоволува овие карактеристики, во однос на тоа дека во старт е достапен 529 литри простор за багаж, кој со туркање на задните седишта се зголемува на максимални 1.364 литри.
V60 за 2019 година е првиот Volvo модел на SPA платформа кој ќе биде достапен во дури две plug-in хибридни верзии.
Првиот од двата бензинско-електрични хибриди има ознака T6 Twin Engine AWD и располага со вкупно 340 кс, додека посилниот T8 Twin Engine AWD произведува 390 коњски сили.
Покрај хибридните верзии, понудата на европскиот пазар вклучува и два бензинци, T5 и T6, како и два дизели D3 и D4.
