Ден пред почетокот на меѓународниот саем на автомобили во Женева се одржа финалето од изборот на европски Автомобил на годината за 2018. Титулата ја освои компактниот SUV Volvo XC40, на второ место е Seat Ibiza, а на трето BMW 5 Series.
XC40 победи убедливо со 325 бодови, а второпласираната Ibiza собра вкупно 242 бодови. Зад нив , на трето место остана BMW 5 со 226 бодови.
На четврто место е Kia Stinger (204), на петто Citroen C3 Aircross (171), шести е Audi A8 (169) и последен од финалистите е Alfa Romeo Stelvio (163 бодови).
За признанието Автомобил на годината 2018 конкурираа сите модели што се појавија на европкиот пазар во 2017 година. Најдобриот автомомобил го избра меѓународно жири оставено од 60 автомобилски новинари од 23 европски земји.
Традиционалниот избор за Автомобил на годината во Европа се одржува од 1964 година, а во 2017 година победник беше Peugeot 3008.
