Гледачите на BBC останаа неколку минути во недоумица и во паника кога водителот на вестите Хју Едвардс седеше и молчеше повеќе од две минути во програма во живо.
Кај гледачите недоумица не предизвика само молчењето, туку и намуртеното и сериозно лице на спикерот, затоа што снимката неколку пати беше прекината со џингл „вонредна вест“.
Уште поголема збунетост предизвика и прекинот на програмата кој траеше четири минути.
По сето ова, програмата почна со емитување, а Едвардс ги почна вестите со поздрав и извинување за технички проблеми.
Инцидентот предизвика бурни реакции на социјалните мрежи.
„Вонредна вест: Хју одбива да работи“, напишал еден корисник на Twitter.
„Прво вознемирен израз на лицето на Хју Едвардс, а потоа BBC ја прекинува програмата. Ете, така ќе изгледа крајот на светот“, напишал друг корисник.
