Американската вселенска агенција НАСА планира да испрати дрон на сатурновата месечина Титан, но за тоа ќе почекаме малку повеќе од претходно планираното.
НАСА го одложи лансирањето на дронот Dragonfly за една година, па мисијата наместо во 2026, како што беше планирано, ќе се изведе во 2027 година.
Како причина за ваквото одложување агенцијата наведе „надворешни фактори“, меѓу кои спаѓа и актуелната пандемија со новиот коронавирус. Влијанието врз буџетот на одделението за планетарна наука е очигледно, така што е попрактично да се почека.
НАСА еднаш веќе го одложи лансирањето на Dragonfly од 2025 за 2026 година.
Станува збор за сериозно амбициозен проект - Dragonfly ќе помине девет години во вселената обавувајќи мисии и собирајќи податоци и примероци за проучување. Целта е да се проучи можноста за населување и развој на пробиотичка хемија во клучниот кратер на месечината Титан.
Се очекува работата на Dragonfly да даде подетална и поцелосна слика за оваа мистериозна месечина, како и за можноста за одржување живот надвор од Земјата.