Денвер Нагетс ја имаа водечката позиција во Западната конференција уште од почетокот на сезоната, но синоќешната претстава која ја приредија играчите на Голден Стејт Вориорс покажа дека актуелниот шампион и понатаму е главниот тим на Западот.
Тимот на Голден Стејт Вориорс стигна до гостинска победа против Денвер Нагетс со конечен резултат 111:142 и притоа постави два рекорди уште во првата четвртина од дуелот.
Уште во првата четвртина играчите на Голден Стејт Вориорс ја најавија доминацијата над овој натпревар, со 10 погодени тројки (рекорд на клубот) и 51 поен на крајот од четвртината (апсолутен рекорд во НБА). Оттаму на теренот се случуваше шоу приредено од главните ѕвезди на тимот – Стеф Кари, Клеј Томпсон и Кевин Дурент. Тројцата заедно постигнаа 89 поени.
Во обичен натпревар, составот на Денвер Нагетс со истата игра во нападот ќе стигнеше до победа. Но, ова не беше обичен натпревар и поените на Никола Јокиќ, Џамал Мареј и Малик Бизли не беа доволни за да се избегне пораз. Најдобар поединец кај домаќините беше токму Мареј, кој го заврши натпреварот со 21 поен, 3 скока и 4 асистенции.
Останати резултати:
Индијана Пејсерс – Феникс Санс 131:97
Филаделфија Севентисиксерс – Минесота Тимбервулвс 149:107
Атланта Хокс – Оклахома Сити Тандер 142:126
Милвоки Бакс – Мајами Хит 124:86
Лос Анџелес Лејкерс – Чикаго Булс 107:100