На терените во НБА синоќа се одиграа 11 натпревари, а Феникс Санс ја продолжи сезоната од соништата.
Санс остварија нова победа на гостувањето кај Минесота Тимбервулфс со резултат 125:116 и со тоа се зацврстија на врвот на Западот каде се повеќе од сигурни.
На тој натпревар Девин Букер испиша историја. Тој стана четвртиот најмлад кошаркар во историјата кој ја мина границата од 11.000 поени во НБА, веднаш зад Леброн Џејмс, Кевин Дурент и Коби Брајант.
Изненадувањето на вечерта го приреди Голден Стејт Вориорс кои во Мајами го совладаа домашниот Хит со 118:104.
Голден Стејт на овој меч настапи без најголемите ѕвезди, меѓу кои и Стеф Кари, но забележаа триумф на крилата на Џордан Пул (30 поени, девет асистенции и четири скока).
Далас Маверикс не го почувствува отсуството на Лука Дончиќ, бидејќи на паркетот беа подобри од Хјустон Рокетс со резултат 110:91.
Бостон го совлада тимот на Јута со 125:97, додека босанскиот кошаркар Лука Гарза не беше на дуелот меѓу Детроит и Атланта (122:101 домашна победа).
Шарлот - Њујорк 106:121
Детроит - Атланта 122:101
Индијана - Сакраменто 109:110
Бостон - Јута 125:97
Мемфис - Бруклин 132:120
Мајами - Голден Стејт 104:118
Минесота - Феникс 116:125
Оклахома - Орландо 118: 102
Далас - Хјустон 110:91
ЛА Лејкерс - Филаделфија 121:126
Портланд - Сан Антонио 96:133.