Швајцарската компанија Exlterra, фокусирана на производи за технолошки решенија, се здружи со украинска компанија SSE Ecocentre, задолжена за радијација и следење на средината во Чернобил, и заедно успеаја да ја намалат радиоактивноста во почвата и во воздухот.
Технологијата наречена Nucleus Separation Passive System (NSPS) е тестирана на подрачје на еден хектар меѓу ноември, 2019 година и септември, 2020 година. На крајот на овој период нивото на контаминација на почвата со радијација е намален за 37%, а на воздухот 47%.
Туристите денес може да го посетат Чернобил, но ќе бидат потребни најмалку 24.000 години радиоактивната контаминација природно да се распадне. Но, со новата технологија на компанијата Exlterra тоа време би можело да биде скратено на 5 години, барем така покажуваат податоците од тестирањето.
Технологијата користи концепти на честички и нуклеарна енергија без употреба на хемикалии или еколошки штетни материјали за да се соочи со тешката радијациска контаминација и за да го забрза разградувањето на радиоактивните елементи.
Технологијата користи честички наречени позиторони кои се многу брзи и насолени кон радиоактивните изотопи во почвата, разбивајќи ги врските кои ги држат заедно. Процесот се одвива безбедно под површината на тлото и радиоактивноста не се испушта во земја или воздух. Еднаш штом позитронот дојде во контакт со радиоактивен изотоп тој повторно се спојува со електронот и ја анихилира радиоактивната материја назад, во првобитната состојба.