Една мала компанија наречена Aptera претстави интересно електрично возило со досег од 1.600 километри.
Станува збор за Aptera 3, електричен трицикл со елегантен дизајн и неверојатно низок коефициент на отпорност на воздухот од само 0,13, што значи дека го „сече“ воздухот и троши само 100 Wh енергија на 1,6 километри.
Aptera 3 има голема батерија од 100 kWh што овозможува досег до 1.600 километри со едно полнење.
Исто така, возилото има соларни панели на кровот што може да „додаде“ 64 километри на досегот во текот на еден сончев ден. Може да се добијат уште 38,8 километри на досегот ако се инсталираат дополнителни соларни панели.
Aptera 3 ќе биде достапен и со батерија од 25 kWh доволна за досег од 402 километри, ќе има и модел со батерија од 40 kWh и досег од 644 километри, како и модел кој ќе се напојува со батерија од 60 kWh и ќе обезбеди досег од 966 километри.
Исто така, ќе бидат понудени различни конфигурации на моторот. Засега не се открива колкава ќе биде неговата моќност, но познато е дека моделите со погон на предните тркала ќе забрзуваат од 0 до 100км/ч за 5,5, а на сите три за 3,5 секунди.
Aptera 3 со најголемата батерија од 100 kWh тежи помалку од 1.000 кг. Батеријата е компатибилна со DC полнач, па еден час полнење е доволен за повеќе од 800 километри возење.
Основната цена на моделот со погон на три тркалата е 25.900 долари, а цените се искачуваат до 46.000 за моделот со најдобри перформанси.