Возилото е жешка рерна на овие температури - никако не ги оставајте децата во автомобилот

Температурите веќе се значително зголемени, што значи дека на врелиот асфалт, особено во градовите, атмосферскиот воздух ќе биде и потопол отколку досега.

Скоро 750 деца починале во изминава деценија бидејќи биле оставени во затворен автомобил на жешко време, дури и кога бил паркиран во сенка. Во САД во просек умираат 30 деца затворени во автомобили кои по некое време изложеност на сонце се претвораат во „вжештени рерни“.

Медиумите и социјалните мрежи со години објавуваат предупредувања дека не треба да ги оставате децата и миленичињата во автомобилот додека „набрзина завршувате некоја обврска“.

Научното списание Temperatures објави текст во кој тврди дека доволно е детето да помине 60 минути во затворен автомобил на топло време за да му биде загрозен животот.

Имено, децата се почувствителни на температурни промени за разлика од возрасните, полесно се загреваат и многу потешко се ладат. Исто така, не се во состојба да излезат од автомобилот ако не се чувствуваат добро.

Научниците, во консултација со лекари, пресметале дека телесна температура од 40 степени Целзиусови е доволна за да ги поттикне сите симптоми на топлотен удар, што потоа може да резултираат со откажување органи, оштетувања на мозокот или смрт.

Експериментите биле спроведени со три сета возила паркирани наизменично во периодот на јуни и јули во 2014 година во градот Тампа, Аризона. Забележан е раст на температурата, а научниците разгледувале сценарија на кој начин температурата би влијаела на организмот на детето, односно на животните.

Временски, најдолго време било потребно за да се загрее комбе, а најмалку на мали автомобили со темна боја. Температурата во возилата по еден час изнесувала 46 степени Целзиусови, а воланот, седиштата и предниот дел на возилото биле уште потопли. По еден час под сенка на топло време, температурата изнесувала 37 степени Целзиусови.

По еден час изложеност на сонце или по два часа во сенка, детето или миленичето, ако се оставени во затворениот автомобил, ќе бидат во смртна опасност.

„На сите ни се има случено да влеземе во автомобил загреан на сонце и да не можеме да го допреме воланот бидејќи е прежежок. Замислете како тоа се одразува на организмот“, вели Ненси Селовер, климатолог од Универзитетот на Аризона.

Знаци кои укажуваат дека на детето му е премногу жешко

Со доаѓањето на летните жештини премногу облека може да предизвика прегревање на телото на детето, што претставува сериознa заканa за здравјето.

Американската академија за педијатрија го поврза прегревањето на телото со зголемен ризик од синдром на изненадна смрт кај новороденчињата.

Има неколку начини на кои можете да проверите дали на бебето му е премногу топло:

1. Допрете ги главата и вратот на вашето дете за да проверите дали се влажни. Тоа е знак дека се поти.

2. Набљудувајте го лицето на детето. Ако е повеќе црвено од обично или започнуваат да се појавуваат некакви точки, возможно е телото да му е премногу жешко.

3. Слушнете внимателно како се одвива дишењето на вашето дете. Брзото дишење е симптом на прегревање. Допрете ги прстите на детето, ако се топли, тоа е еден од знаците дека му е премногу жешко.

4. Ако детето не може да заспие и е немирно, можеби му е премногу топло. Но, тоа може да биде знак и за некои други проблеми, како грчеви или мокра пелена.

На новороденчињата не треба да им се покрива главата, освен ако не е ладно.

Ако спиете со вашето бебе, имајте во предвид дека тоа ќе се загрее од вашето тело, па не е потребно да го покривате.

реклама

Зошто треба да ставите алуминиумска фолија зад рутерот?

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Едноставен и брз метод: Белите патики повторно ќе изгледаат како нови

Read more

Како е поврзано пиењето кафе со ракот на дебело црево?

Read more

Живот

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Најскапите намирници во светот: Треба да потрошите вистинско богатство за нив

Read more

5 причини зошто треба да го ограничите времето што децата го поминуваат пред екрани

Read more
 

Магазин

В недела почнува летното сметање на времето: Како поместувањето на стрелките влијае на нашето тело?

Читај повеќе

Едноставен и брз метод: Белите патики повторно ќе изгледаат како нови

Читај повеќе

Историски заблуди

Читај повеќе

5 совети како да го разгорите повторно вашиот сексуален живот

Читај повеќе

Голем месечен хороскоп за април 2024: Ретрограден Меркур им ги мрси конците на неколку знаци

Читај повеќе
  • filter

Најскапите намирници во светот: Треба да потрошите вистинско богатство за нив

Читај повеќе

Рецепт на денот: Јагнешки бут зачинет на грчки начин

Читај повеќе

Зошто никогаш не треба да го резервирате седиштето 11А во авион?

Читај повеќе

Пет причини зошто треба почесто да јадете тиквички

Читај повеќе