Поранешната тенисерка бр.1 на светот Каролине Возниjацки го одигра последниот натпревар во кариерата.
29-годишната Данка загуби со 5: 7, 6: 3, 5: 7 од Онс Жабур од Тунис во третото коло на Австралија Oпен.
Минатата година, Возниjацки објави дека првиот Грен слем турнир за годинава, кој го освои во 2018 година, ќе биде нејзиниот последен настап како професионален тенисер.
Дваесет и петгодишната Жабур, која во првото коло ја елиминираше 12-тата во шемата на Јоана Конта, а потоа и поранешната број 4 – Гаролин Гарсија, сега ја заврши кариерата на Вознијацки, откако пласираше 43 винери за својата победа во Мелбурн.
Последниот удар на Каролин во професионалниот тенис беше форхенд кој беше предолг и излезе надвор од теренот. На тој начин, светскaта тенисерка број 78 од Тунис се квалификуваше во четвртото коло на Австралија Oпен за прв пат во својата кариера.
По поразот, Возниjацки беше видно емотивна што се збогува со тенисот и публиката.
„Мислам дека помина многу добро што завршив со грешка од форхенд во натпревар од три сета“, рече Данката на шега.
Таа дебитираше во професионалниот женски тенис во 2007 година и оттогаш освои 30 титули, вклучувајќи го и Австралија Опен во 2018 година. Таа беше рангирана на првото место на светската ранг-листа на 11 октомври 2010 година. За време на нејзината професионална кариера, Вознијацки заработи над 34 милиони долари од наградни фондови.