Млад човек од Кенија, кој на социјалните мрежи е познат како Metro man, стана фаворит на навивачите на СП и истовремено неочекувана интернет сензација.
Седнат на столче во стилот на спасувач, има задача навивачите да ги насочува кон блиските метро станици. Поради начинот на кој го прави тоа, стана голема сензација на интернет.
Има многу работници кои ја вршат оваа услуга на трите линии што водат до 8 стадиони на СП распоредени на пет места, но овој млад човек од Кенија најмногу се истакнува.
Неговиот TikTok профил (@metro_man001) за три дена доби 25.000 следбеници, а снимките го прикажуваат како си ја врши работата.
Во коментарите под виралните видеа луѓето се шегуваат дека тој сега е „попопуларен и од Меси“.
