Сакате да имате убави и здрави растенија во вашиот дом, а се чини дека вашите растенија не изгледаат одлично. Пробајте го овој трик со мајонез.
Овој трик за сјај на растенијата го користат цвеќарниците за да ја истакнат убавината на растението и сите негови нијанси, истиот функционира и кај собните растенија.
Една од грешките што многу сопственици на растенија ја прават е тоа што мислат дека собните растенија се вид на украс за домот, па ги поставуваат и потоа забораваат на нив или само повремено ги полеваат. Проблемот е во тоа што многумина често забораваат да ги одржуваат собните растенија, а потоа се разочарани кога растенија изгледаат малку така без првичниот сјај.
Како прво, треба да им ги бришете листовите на секои две недели. За да го направите тоа, земете влажна крпа, малку сапун и нежно избришете го долниот и горниот дел од секој лист. Продолжете со друга влажна крпа за да го отстраните сапунот.
Ако сакате вашите растенија да бидат сјајни, тогаш трикот со мајонез е решението за вас. Овој трик е особено ефикасен кај растенијата со широки и мазни листови.
Ставете само малку мајонез на чиста крпа и со неа избришете ги листовите на растенијата. Не само што ќе имате прекрасни сјајни листови на растението, туку мајонезот ефикасно ќе се распадне и ќе ја отстрани насобраната прашина.