Извршниот директор на Microsoft Сатја Надела на конференцијата Build во почетокот на месецов соопшти дека изминатите неколку месеци го тестираат новиот оперативен систем.
Уште пред да бидат објавени официјални податоци, на кинескиот сајт Baidu неовластено се појавија слики и снимки што го покажуваат, наводно, дизајнот за оперативниот систем Windows 11, од почетниот екран до системскиот интерфејс.
Новиот интерфејс, според она што „протече“ како информација, ќе биде сличен на оној што Microsoft го планираа за Windows 10X, пред да го откажат. Очигледно малку го сменија и така ќе биде на Windows 11.
Апликациите се наоѓаат во средината на таскбарот, што сега е доста поедноставено, а исто така ќе имаме ново Start копче и опција за брзо исклучување или рестартирање на уредот. Почетното мени е само поедноставено.
Исто така, ќе имаме заоблени рабови - на менијата, за File Explorer и апликациите. Во таскбарот ќе ја има апликацијата Windows Widgets.
Како што се очекуваше, ќе имаме и нов звук при стартување.
Се очекува оперативниот систем Windows 11 да биде официјално претставен на 24 јуни.
Windows 10 ќе биде бесплатен една година (а за некои корисници дури и подолго), што е огромен пресврт од претходната стратегија за наплата на Microsoft за секое ново издание. Притоа, компанијата ги охрабрува корисниците да се префрлат од Windows 7 и 8, правејќи го Windows 10 поодржлива платформа за програмерите кои сакаа да градат модерни апликации.
Дали ви се допаѓа она што досега го видовте од Windows 11?
