Истанбул, 18 март 2020 (МИА) – Прекин на сите верски церемонии, настани и обреди до крајот на март, најави Вселенската патријаршија во врска со ширењето на новиот коронавирус.
Во соопштението од патријаршијата се вели дека од денеска за сите епархии на Вселенскиот трон во сила е „црковна одлука и наредба да се запрат сите верски церемонии, манифестации и обреди до крајот на март, освен за индивидуалната молитва на христијаните во храмовите што ќе останат отворени“.