Бекот на Јута, Донован Мичел е вториот кошаркар на „Џезерите“ кој е позитивен на корона вирусот по Руди Гобер.
Францускиот центар ноќеска беше првиот позитивен играч во НБА. По веста за неговиот позитивен тест, беше одложен натпреварот меѓу Јута Џез и Оклахома Сити Тандер, а кратко потоа беше донесена одлука за суспендирање на сезоната.
Гобер невнимателно се пошегува за време на прес-конференција пред неколку дена, кога намерно ги допираше микрофоните на новинарите. Се шпекулира дека токму со тој потег, Гобер се заразил со Ковид-19 и му го пренел на Мичел.
Ејдријан Воџнаравски, новинар на ESPN, го коментираше мислењето на кошаркарите на Јута за однесувањето на Гобер.
– Играчите на Јута во приватни разговори рекоа дека Гобер невнимателно се однесувал во соблекувалната, допирајќи ги колегите и нивните работи. Сега еден негов соиграч е позитивен на корона вирус, наведе популарниот Воџ.