Порталот Newsweek објави кои серии беа најгледани на Netflix во текот на ноември. Иако многумина очекуваа тоа да биде јужнокорејската серија „Hellbound“, која во рекордно време ја надмина „Squid Game“, сепак изгледа дека не е така.
Иако моментално на Netflix најмногу се гледа „Hellbound“, која почна да се прикажува на 19 ноември, според извештаите на месечна база, најгледана серија во текот на ноември е токму Squid Game.
Оваа јужнокорејска серија на Netflix почна да се прикажува на 17 септември, а нејзината популарност очигледно не е падната ни по два месеци од прикажувањето.
Како што е веќе познато, дејството во серијата прикажува стотина луѓе кои се натпреваруваат во смртоносни верзии на детски игри за да освојат парична награда. Оваа серија два месеци по ред е најгледана на Netflix.
На второто место е серијата „You“, чија трета сезона излезе во октомври. По „You“ и „Squid Game“, најгледана серија овој месец е и „Arcane“, анимирана драма чие дејство се довива во вселената. Популарна е и мини серијата „Maid“.
Меѓу најгледаните серии во ноември се и „Narcos: Mexico“, „Dynasty“, „Hellbound“, „Hometown Cha-Cha-Cha“, „Locke & Key“ и „Cowboy Bebop“.
Серијата „Hellbound“ секој ден бележи сè поголема популарност и дојде на прво место во региони како Јужна Кореја, Мексико и Белгија и е меѓу првите три најгледани во САД, Канада и Германија.