Во воведните два натпревара од 2. коло во најдоброто континентално клупско натпреварување, Ајакс извојува очекувана победа, додека Интер повторно не успеа да победи.
Холандскиот шампион важеше за голем фаворит против Бешикташ кој во Амстердам допатува десеткуван поради големиот број на повредени фудбалери. Ајакс уште во првото полувреме ја завери победата со головите на Стивен Бергхујс во 17-тата и Себастјан Алер во 43. минута, а со тој резултат и заврши натпреварот. Турскиот шампион треба и да биде задоволен што помина само со два гола во својата мрежа, со оглед на доминацијата на Холанѓаните. За 90 минути Турците ниту еднаш не погодија во рамките на холандскиот гол.
Во Киев, пак, се сретнаа италијанскиот шампион Интер и второпласираниот во украинската лига, Шахтар. „Нераѕурите“ важеа за фаворити, но и втор натпревар по ред во Лигата на шампионите не успеаја да постигнат гол и по поразот од Реал во 1. коло сега освоија само бод. Шахтар на периоди беше и подобар противник, но на крајот Интер ги имаше посериозните шанси кои благодарениот на одличниот голман Андриј Пјатов останаа нереализирани.
Останатите денешни натпревари почнуваат во 21 часот.
