Јапонската тенисерка Наоми Осака победи на годишново издание на Австралија Опен, совладувајќи ја денеска во финалето Американката Џенифер Брејди со 2:0 во сетови (6-4 и 6-3).
На Осака ѝ беа потребни еден час и 19 минути да ја освои втората титула во својата кариера на грен-слем турнирот во Мелбурн.
Јапонката сервираше 10 асови, а Брејди 2, Осака имаше 16 винери и 24 двојни грешки, додека Американката направи 31 двојна грешка во финалниот натпревар.
За Осака ова беше четврто грен-слем финале и четврти триумф, по победите во Мелбурн во 2019 и освојувањето на УС Опен, во 2018 и 2020 година.
23-годишната тенисерка е родена во градот Осака, но од мала со нејзините живее во САД. Мајка ѝ е Јапонка, додека татко ѝ е од Хаити.
Во машкото финале на „Род Лејвер“ арената во Мелбурн, утре ќе играат најдобриот светски тенисер, Србинот Новак Ѓоковиќ и Русинот Даниил Медведев.