На вчерашната седница на која присуствуваше и претседателот Александар Вучиќ, членовите на српската Влада одлучиле да не го прифатат предлогот на ЕУ Србија да го осуди загрозувањето на територијалниот интегритет на Украина, односно да апелира да се почитува меѓународното право.
Како што дознава Nova.rs, Србија не го прифатила предлогот на ЕУ да ги осуди сите кои го загрозуваат територијалниот интегритет на Украина и нема да ја осуди руската инвазија на таа земја.
Токму ова е ставот што мнозинството го усвоило на вчерашната седница на Владата на Србија, на која присуствуваше и Вучиќ.
На средбата во Немањина воопшто не се зборувало за санкции против Русија. Министрите на СПС, Бранко Ружиќ и Новица Тончев, кои биле воздржани за време на гласањето, не ја поддржале одлуката на мнозинството да го отфрли предлогот на ЕУ, Србија да апелира да се почитува територијалниот интегритет на Украина.
Ваквиот став денеска треба да го соопшти претседателот на Србија, Александар Вучиќ, по уште една седница на Советот за национална безбедност и средба со патријархот Порфириј, со кого ќе разговара и за ситуацијата во Украина.
Да потсетиме, Европската Унија издаде декларација за рестриктивни мерки против загрозување на територијалниот интегритет на Украина.
