Владата на Србија денеска во Белград одржа состанок на кој на покана на премиерот Милош Вучиќ присуствуваше и претседателот на Србија, Александар Вучиќ.
Вучиќ рече дека се исполнети сите барања на студентите и истакна дека за него е несфатливо што целата Влада на Србија молчи за изнесувањето на децата од театарот „Дадов“ и училиштата низ Србија, со тоа правејќи малолетни деца да се занимаваат со политика.
„Сите вие молчите, сакате ли да ви ги прочитам прописите, ако не знаете“, праша Вучиќ на седница на Владата на Србија.
Праша дали е потребно малолетни деца да се занимаваат со политика.
„Кои сте вие бре вие да водите чие било дете на улица? Имате политички комесари во училиштата кои ги изнесуваат децата. Студентите можат да прават што сакаат, возрасни се, тоа го прават на своја одговорност. Што правите со децата и дали некој одговараше што ги злоупотребил прописите и вовел политика меѓу малолетниците, 15-годишно дете да се прашува дали ќе протестира или не“, рече Вучиќ.
Се прашуваше во која земја во светот тоа постои.
„Има ли таква држава, кажете ми, експерти. Нема, не, никаде на светот, нема да биде така ни овде. Родителот има право да го прави тоа со своето дете, но наставниците немаат“, рече Вучиќ.
Говорејќи за студентите кои протестираат, тој го повтори тврдењето дека сите барања се исполнети, пренесува Danas.rs.
„Мојот предлог е да им се дозволи на студентите да ги блокираат факултетите, ако им дозволуваат деканите и ректорите, зошто вие би се мешале. Ако сакаат да не работат, да не учат - нека имаат целосна слобода, никогаш нема да ја чепнеме автономијата на универзитетот, полицијата нема да го нападне универзитетот, нека работат додека сакаат“, рече Вучиќ.
