Александар Вучиќ, претседателот на Србија, зборуваше за приведувањето на Северина на српската граница.
Вучиќ ја спомна и Селма Бајрами и посочи дека двете ја мразат Србија и зборуваат глупости.
„Сега ќе ве изненадам со тоа што имам да го кажам. Му се јавив на Дачиќ утрово, го разбудив, да видам што се случува со Северина. Тој ми рече дека е така и така е и ми рече дека не е приведена, ја држеле на граница 2 часа. И мислам дека е многу глупаво и непотребно. Не поради Северина, за која мислам само најлошо. Ние мора да се разликуваме од нив во сè. Не дај Боже да водам држава во која апсат секој што ги слуша песните на Томпсон. Оставете ги сите, и Селма Бајрами. Тоа што ја мразат Србија зборува за нив. Нема да бидеме земја која апси секој што пее од Томпсон. Северина цел ден зборува глупости, кому му е гајле. Нека кажува што сака...“, рече Вучиќ.
„Во Србија денеска нема кој не реагираше од политичките партии и од т.н. демократска јавност. Затоа што има некоја пејачка, кој вели дека Србија е геноцидна земја, а јас сум диктатор и која знае дека Србите се криминалци, но сака да зема пари овде“, додаде српскиот претседател.
За потсетување, Северина Вучковиќ беше приведена во неделата вечерта на границата меѓу Хрватска и Србија. Српската полиција „ја спровела вообичаената постапка за испрашување, која се применува на сите лица чии изјави државните органи на Србија ги сметаат за сомнителни“.
По разговорите со надлежните органи, Северина добила дозвола за влез во Србија. Сепак, пејачката решила самоиницијативно да се врати во Хрватска, наместо да го продолжи патувањето во Србија.
Синоќа Северина ја раскажа нејзината верзија за задржувањето на границата.
