Најпрво BMW се исмеваше со новиот „pick-up“ на Mercedes, а сега тоа го направија и од ривалската компанија Volkswagen.
Пред два месеци еден од високите функционери на BMW рече дека новата X класа на Mercedes „изгледа грозно“.
Сега, од австралиската филијала на Volkswagen стигнуваат комични критики дека Mercedes не успеале дури ни доволно добро да го маскираат Nissan Navaro-то, па ете, преку ноќ тоа станало Mercedes X Class.
Австралијците исто така сметаат дека дизајнот не е единствената слабост на овој автомобил, туку се сомневаат и во неговиот квалитет, поради тоа што автомобилот ќе се произведува во фабриката на Nissan во Барселона.
Продажбата на новата X класа во Германија почнува овој месец, а цената на основниот модел ќе изнесува 37.924 евра.
