Американската филмска компанија Warner Bros соопшти дека сите филмови најавени за 2021 година ќе бидат објавени во кино и во стриминг сервисот HBO Max истовремено.
Американците на тој начин ќе имаат можност да гледаат дури 17 нови филмови дома, вклучувајќи ги и „Suicide Squad 2“, „Godzilla vs. Kong“ и „Matrix 4“.
Студиото го објасни потегот со прилагодување на условите заради пандемијата на COVID-19. Ова ќе им овозможи на луѓето да гледаат нови филмови во безбедноста на нивниот дом без да мора да одат во кино и да се изложуваат на можна инфекција.
„Никој не сака враќање на филмовите на големото платно колку што сакаме ние. Знаеме дека новата содржина е важна за кината, но мора да се соочиме со реалноста. Факт е дека повеќето кина во САД ќе работат со намален капацитет во 2021 година", велат од студиото.
Прв на листата е „Wonder Woman 1984“ кој ќе се појави во кино и на HBO Max истовремено на 25 декември.
HBO Max моментално е достапен исклучиво во САД.