Апликацијата WhatsApp доби изворна верзија наменета за оперативниот систем Windows, така што повеќе не е потребно поврзување на мобилен телефон за испраќање, примање и синхронизирање пораки.
Десктоп верзијата на апликацијата WhatsApp може да се преземе од продавницата на Microsoft.
Претходно, корисниците на Windows мораа да преземат веб-базирана десктоп апликација или да пристапат до неа преку веб-прелистувач, но новата апликација е изворна за Windows, што ја прави побрза.
Редизајнираниот WhatsApp има малку почист интерфејс во споредба со претходната верзија на апликацијата, но во основа не изгледа толку поинаку. Најголемата промена е што корисникот повеќе не треба да има мобилен телефон поврзан на интернет за да може да ги синхронизира пораките помеѓу уредот и десктоп апликацијата.
Од WhatsApp соопштија дека работат и на изворна апликација за macOS.
Дополнително, функцијата за повеќе уреди излезе од бета верзија и е достапна за сите корисници, овозможува поврзување до 4 уреди со сметка на WhatsApp без потреба од мобилен телефон, додека end-to-end енкрипцијата е задржана.