WhatsApp воведе нови подобрувања на својата функција Status, која беше претставена во 2017 година како одговор на Snapchat и Instagram Stories.
Една од клучните иновации е Voice Status, кој му овозможува на корисникот да снима гласовни пораки до 30 секунди и да ги постави како свој статус. Компанијата вели дека тоа е повеќе „персонален“ начин за известување на контактите, особено за корисниците кои вообичаено претпочитаат да зборуваат наместо да пишуваат или снимаат видео.
Друга новина е функцијата Private Audience Selector, која му овозможува на корисникот да избере кој може да ги види неговите статуси. Обезбедува и можност за избор на публика за секој нов статус, што дава поголема контрола и флексибилност во споредба со претходните поставки за приватност.
Оние кои сакаат емотикони сега ја имаат функцијата Status Reactions, што е брз и лесен начин да одговорите на статусите на пријателите или блиските контакти. Оваа функција ви овозможува да одговорите на кој било статус со кој било од осумте емотикони, наместо да пишувате пораки, да снимате гласовни пораки или да користите налепници.
Status Profile Rings „става прстен“ околу фотографијата на профилот по објавувањето на нов статус и е видлив во списокот за разговор, списокот со членови на група и информациите за контактите. Конечно, овозможен е и preview link кога ќе се стави во статус, така што контактите ќе имаат појасна претстава за што се работи пред да одлучат да кликнат.
Некои од новите функции како што се реакциите на статусите, прстените на профилите и привју линковите беа најавени порано, а сега полека се шират до корисниците ширум светот.
