Конечно е воведено Communities на WhatsApp, но тоа не се сите новости што пристигнаа во најновото ажурирање.
Компанијата Meta воведе неколку новитети на популарната платформа за пораки WhatsApp, што ќе ја направи апликацијата поупотреблива за големи групи луѓе, вклучувајќи го и воведувањето на чатот Communities.
Чатот Communities е дизајниран да прими повеќе поврзани групи во поголемите организации, како соседство или работно место - нешто како Slack или Discord - а администраторите можат да испраќаат известувања до целата заедница преку каналите за објавување. Компанијата првпат започна со тестирање на Communities во април, а сега е достапна за сите.
Платформата воведува и некои нови функции кои би можеле да ја подобрат секојдневната комуникација:
- новите анкети за разговор може да бидат корисни за избирање датум или избор на филм за гледање;
- видеоповиците сега поддржуваат до 32 учесника;
- ја удвои максималната големина на групите од 512 на 1.024 корисници.
Ако сè уште не ги гледате новите функции, не заборавајте да ја ажурирате апликацијата преку Google Play Store или App Store.
