WhatsApp воведува нова опција која ја очекуваа многумина корисници. Станува збор за опцијата View Once со помош на која фотографиите и видеата се бришат веднаш откако ќе бидат отворени, објавено е на официјалната страна на WhatsApp.
Оваа опција одамна е достапна на Snapchat и на Instagram. На WhatsApp ќе може да се користи со селектирање на ознаката 1 која ќе се појави покрај опцијата за праќање фотографии и видеа.
Материјалот кој се праќа со користење на оваа опција е заштитен со енкрипција. Откако фотографијата ќе биде отворена, таа исчезнува од разговорот и на екранот останува известување дека содржината е отворена и повеќе не е достапна.
Опцијата би требало да биде достапна оваа недела.