Апликацијата WhatsApp ќе воведе нова опција што овозможува пораките од телефоните на испраќачот и примателот да исчезнат сами од себе по седум дена.
Опцијата има за цел да ја заштити приватноста на корисниците, но примателите сè уште ќе можат да ги проследуваат и сликаат пораките, фотографиите и видеата што сакаат да ги зачуваат. Опцијата ќе им биде достапна на корисниците на крајот на ноември.
Марк Закерберг, извршен директор на Facebook, во април 2019 година најави воведување на неколку новини во апликацијата со цел корисниците да имаат поголема приватност, вклучително и опција за исчезнување на пораките.
Апликацијата WhatsApp којашто е во сопственост на Facebook, ја користат над две милијарди луѓе ширум светот.