WikiLeaks соопшти дека го објавиле досега најголемото откритие, со повеќе од 8.000 документи кои ЦИА ги има означено како доверливи, пишува CBSNews.
Во соопштението се наведува дека се откриваат детали за тоа како ЦИА создала и спровела глобална хакерска програма. Се наведува дека агенцијата злоупотребила бројни популарни производи на најголемите компании како Apple, Google, Microsoft и Samsung и ги претворила во свое оружје и уреди за прислушкување.
WikiLeaks тврди дека до информациите дошле преку мрежата што ја користи Центарот за сајбер-разузнавање на ЦИА во Вирџинија.
Објавените документи се од 2013 година до 2016 година.
