Француската тениска федерација (ФФТ), неколку недели размислуваше и на крајот реши да не и додели специјална покана на Марија Шарапова за настап на овогодишното издание на Ролан Гарос.
Шарапова, неодамна се врати на тениската сцена, по 15-месечната суспензија поради допинг. Таа очекуваше да добие wild card за настап на Ролан Гарос, Гренд слем којшто го има освоено во 2012 и 2014, а откако не ја доби стана јасно дека годинава нема да учествува на Отвореното првенство на Франција, бидејќи е 211 на ВТА листата и нема право да настапи ниту во квалификациите.
„Специјални покани се даваат на натпреварувачи кои се враќаат по пауза поради повреда, но не и на оние кои отсуствувале поради суспензија. Можеби во моментов е разочарана, но мојата одговорност е да го штитам тенисот и играта,“, рекол претседателот на ФФТ, Бернард Зудичели.
На новинарско прашање зошто не добила специјална покана за настап во квалификациите, првиот човек на ФФТ рекол: „Добивање на wild card за настап во квалификациите би било навреда и за неа и за турнирот“.
Тој дополнил дека сакал лично да и ја соопшти одлуката, а не истата да биде објавена во живо на неговиот профил на Facebook.„Ја барав Шарапова три пати, но не можев да ја добијам. Не се јавуваше на телефон“, заклучил Зудичели.