Microsoft од денеска веќе не пружа техничка поддршка за Windows 7 за да може да се посвети на нови технологии. Затоа експертите советуваат корисниците на Windows 7 да направат надградба на своите оперативни системи.
Понудата на Microsoft за бесплатна надградба од Windows 7 на Windows 8.1 не е активна веќе неколку години, но тоа не треба да биде пречка да се префрлите на Windows 10 и тоа бесплатно.
Иако компанијата ги тргна специјалните понуди од својата веб-страница, и понатаму ги активира лиценците за Windows 10 за луѓето кои сакаат да ги надградат своите системи Windows 7 или Windows 8.1.
Како да направите надградба од Windows 7 на Windows 10?
Пред да се обидете да направите надградба, проверете дали вашиот компјутер ги поддржува минималните барања неопходни за инсталација на Windows 10.
Најважно е да запамтите дека надградбата на системот Windows 7 на Windows 10 би можело да ги избрише вашите досегашни нагодувања и апликации.
Има опција за зачувување на датотеките и личните податоци, но поради разликите меѓу системите Windows 10 и Windows 7 не е можно да се задржат сите апликации.