Стриминг платформата Netflix ја најави „The Witcher“ како серијата која ќе ја засени дури и епската „Game of Thrones“.
Откако почна да се прикажува на 20 декември, „The Witcher“ стана една од најжешките теми меѓу обожавателите на ТВ-серии, а во Netflix задоволно тријат раце од гледаноста.
Но, каде што има популарна серија, таму има и пиратерија.
Веднаш по премиерата на серијата со Хенри Кавил во главната улога, сите епизоди беа достапни во најдобра резолуција за гледање на пиратските сајтови.
Критичарите не штедат на пофалби кога зборуваат за серијата која ако гледачите продолжат да ја следат со ваков ентузијазам, дефинитивно ќе ја надмине „Game of Thrones“.
По само два дена од премиерата, серијата имаше оцена од 8,8 на сервисот IMDb.
На пиратскиот сајт Popcorn Time се достапни сите осум епизоди од првата сезона во 720p и 1080p резолуција, со по околу 1.000 „сидери“ на секоја епизода.
Ова покажува колку е барана серијата, но и дека стриминг сервисите уште не се добро заштитени од пиратерија.
Netflix уште не тргнал во „лов“ на оние кои незаконски ја шират серијата, но според сајтот Torrent Freak, стриминг платформата станала членка на уште едно здружение против пиратерија.
Дали вие ја гледате „The Witcher“? Каква оцена ѝ давате од 1 до 10?
