Филмот за култната суперхеоина од 70-тите Wonder Woman заработи повеќе од 620 милиони долари за три недели откако се прикажува во кината ширум светот. Тоа значи дека е најпродаваниот филм во историјата режиран од жена.
Режисерката Пети Џенкинс е позната по крими драмата Monster од 2003 година со Шарлиз Терон. Интересно е тоа што 46-годишната Џенкинс немаше снимано ништо 14 години меѓу тој филм и блокбастерот со Гал Гадот. Во 2011 година беше ангажирана во филмот Thor, но се повлече од проектот поради „креативни разлики“ со тимот.
Wonder Woman со Израелката Гал Гадот во главната улога на бесмртната ќерка на Зевс доби подобри реакции од новите суперхеројски филмови како Suicide Squad и Batman vs Superman.
Филмот има најголема заработка во САД, а потоа во Франција, Кина, Велика Британија и во Бразил.