Компанијата Xiaomi официјално ги претстави новите смартфони од серијата 11T, а најдобриот од новата серија е моделот 11T Pro.
Xiaomi 11T Pro го поддржува системот за брзо полнење 120W HyperCharge. Го напојува батерија од 5.000 mAh, а во пакувањето доаѓа и полнач од 120W кој може да го наполни смартфонот од 0 до 100% за само 17 минути.
За 10 минути се полни до 72%. Овој модел ќе биде достапен и во Европа.
Моделот 11T Pro е поинаков од Mi 11 кој се појави претходно оваа година, а доби Snapdragon 888 процесор и камера од 108 MP. Покрај главната камера тука е и ултрашироката камера од 8, макро од 5 и селфи камера од 16 MP. Смартфонот доби 6,67-инчен OLED екран со резолуција од 1080p и фреквенција на освежување од 120Hz.
Xiaomi претстави уште два уреди со нешто послаби спецификации, а ниту еден од нив не поддржува 120W полнење. Се работи за моделот 11T со MediaTek Dimensity 1200-Ultra процесор и батерија која се полни за 37 минути, а тука е и моделот 11 Lite 5G NE со Snapdragon 778 и батерија од 4.250 mAh.
Основната цена на моделот 11T Pro изнесува 649 евра за верзијата со 8 GB RAM и 128 GB интерна меморија, додека верзијата со 12 GB RAM и 256 GB интерна меморија чини 749 евра.
За 11T со 8GB RAM/128 GB интерна меморија треба да се издвојат 499 евра.
Најевтиниот модел е 11 Lite 5G NE со почетна цена од 369 евра и 6 GB RAM и 128 GB интерна меморија.