Истото движење на прстот со кое ги зумираме сликите во галериите, сега ќе ги зумира и видеата на платформата YouTube.
YouTube им донесе на своите корисници експериментална функција Pinch to Zoom, која ви овозможува да зумирате видео, слично како што можете на Instagram објавите или во галеријата на вашиот телефон.
Како што објаснува YouTube, за да ја користат новата функција, корисниците можат едноставно „да го стиснат видео плеерот со два прста за да зумираат и одзумираат“.
Корисниците веќе долго време можеа да го стиснат видео плеерот за да зумираат на цел екран, а новата функција ви овозможува да продолжите со зумирањето, по што ќе можете со прст да ја мрдате сликата за да се фокусирате на одреден дел од видеото.
За жал, новата експериментална функција не е достапна за секого. Резервирана е само за корисниците на Premium кои ќе имаат можност да го тестираат до 1 септември - нешто помалку од еден месец - за кое време компанијата ќе ги собере потребните податоци, ќе ги коригира грешките и ќе одлучи дали Pinch to Zoom ќе стане стандардна функција.
Ако сте претплатник на YouTube Premium, можете да ја пронајдете новата функција за зумирање со одење во менито за поставки (или на телефонот или на прелистувачот на компјутерот). Функцијата се наоѓа во делот Try new features.
Останува да се види дали стискањето за зумирање ќе стане стандардна функција на платформата, како и дали корисниците на YouTube кои не се претплатиле ќе ја добијат. Оптимисти сме - сите функции што поминаа низ делот Try new features станаа стандардни, а YouTube неодамна објави дека на корисниците ќе им донесе преглед на најинтересниот дел од видеото, што беше функција резервирана само за претплатниците на Premium.
