YouTube ќе забрани содржина која тврди дека вакцините одобрени од светски здравствени институции се неефикасни или опасни.
Забраната не се однесува само против ковид вакцините, туку и на содржини кои содржат пропаганда општо против вакцините кои веќе се користат во имунизација. YouTube ќе блокира секаква пропагандна содржина против вакцинација, стои во соопштението на оваа платформа, која е во сопствеништво на Google.
Платформата ќе блокира содржини кои тврдат дека вакцините предизвикуваат хронични последици по здравјето или содржат дезинформации за состојките во вакцините.
Компанијата и претходно блокираше видеа кои изнесуваат тврдења за вакцините против коронавирусот, но и за други вакцини. YouTube исто така забрани објавување содржини на познати активисти против вакцинација како Роберт Ф. Кенеди Џуниор и Џозеф Меркол, чии канали се веќе укинати.
Потегот следи откако има се поголема загриженост поради улогата која активистите против вакцини ја одиграа во степенот на вакцинација во САД, поттикнувајќи скептицизам.