Google им овозможи на корисниците на стриминг сервисот YouTube Music да создаваат свои радио станици базирани на специфични изведувачи, како и да подесуваат алгоритам кој ќе одлучува кои песни ќе се пуштаат.
Оваа нова опција е наречена Radio Builder, а корисниците почнаа да добиваат пристап во вторникот. Може да ѝ се пристапи со скролање до секцијата „ваш музички тјунер“ на почетната страница на YouTube Music во iOS или Android апликацијата.
Кога корисникот прави своја страница, може да изберре до 30 изведувачи, но и да одбере дали сака да слуша само нивна музика или да додаде песни од слични музичари. Исто така, можно е да се одбере пуштање само песни кои му се познати на корисникот, или комбинација, како и да се додадат филтери кои овозможуваат подесување на миксови.
YouTube оваа опција почна да ја тестира минатата година.
Иако YouTube Music од порано има многу станици и миксови засновани на алгоритам, можноста да се создаваат такви што корисниците сами ги контролираат претставува одлична опција кога сакаат да слушнат нешто специфично, но не се расположени за рачно создавање на листа.
Новата опција е достапна за претплатените, но и за оние кои бесплатно користат YouTube Music.
