YouTube го објави кварталниот извештај во кој се наведени бројките за тоа колку канали, видеа и коментари се отстранети.
Помеѓу јули и септември се отстранети 7,8 милиони видеа, скоро 1,7 милиони канали и повеќе од 224 милиони коментари.
„Секогаш сме ја користеле комбинацијата на луѓе и технологија за да ги решиме проблемите со содржината која ги крши правата на нашата платформа. Минатата година почнавме да употребуваме понапредна технологија на машинско учење за да ја означиме содржината која треба да се провери од нашите тимови. Оваа комбинација на технологија и добро обучени луѓе ни овозможи константно да ја применуваме нашата политика и тоа на побрз начин“, велат од YouTube.
Повеќе од 224 милиони коментари се отстранети поради кршење на правилата на заедницата и слично. Каналите се отстранет поради неколку кршења на правила, меѓу кои и поради правилата за безбедност на деца.