Ако некогаш сте посакале да го промените тонот на песната што сте ја додале во вашето видео, YouTube наскоро ќе може да го направи тоа со помош на вештачка интелигенција.
Вештачката интелигенција сѐ повеќе станува составен дел од алгоритмите на нашите омилени апликации. YouTube го следи овој тренд, а наскоро ќе направи пробив со нова опција која вештачката интелигенција ќе ја обезбеди на оваа платформа.
Корисниците на YouTube, кои се креатори на содржини, наскоро ќе можат да ја ремиксираат музиката што сакаат да ја користат за креирање на нивните Shorts видеа.
Креаторите можат да изберат песна што сакаат да ја ремиксираат, а вештачката интелигенција потоа ќе генерира нова саундтрак што одговара на таа спецификација.
Алатката за вештачка интелигенција ја користи технологијата Dream Track на YouTube, која се заснова на успешна соработка со американски уметници. Интересно е тоа што познатите уметници како Чарли XCX, Деми Ловато, Џон Леџенд, Сиа, Ти-Пеин и Чарли Пут дале дозвола за користење на нивните вокали.
Една од клучните предности на оваа алатка е јасно нагласената врска помеѓу новата и оригиналната мелодија. YouTube истакнува дека сите ремиксирани саундтракови ќе го имаат наведено нивното потекло. Така, гледачите ќе знаат дека новиот звук е резултат на работата на вештачката интелигенција, но и на човечки труд.
Новите алатки на YouTube за ремиксирање музика со вештачка интелигенција ја отвораат вратата за нови креативни можности и предизвици во музичката индустрија. Иако е релативно нова технологија, предностите што ги носи за креаторите на содржини и љубителите на музика се очигледни.
Се очекува YouTube да продолжи да ги проширува своите способности за вештачка интелигенција за да го подобри искуството на публиката и да го олесни создавањето содржина.
