Славниот јутјубер Џејк Пол го победи поранешниот ММА борач Бен Аскерн, успешно продолжувајќи да ја гради боксерската кариера.
Пол во саботата навечер го нокаутираше познатиот ММА борач, по само 60 секунди борба. Аскерн успеа да стане по нокаутот, но судијата не му дозволи да ја продолжи борбата.
Кратко време по поразот се појавија гласини дека станува збор за измама, бидејќи Аскерн е фотографиран како насмеан го напушта рингот, во друштво на сопругата. Поради тоа е обвинет дека намерно го изгубил мечот.
За овој пораз Аскерн заработил 500.000 долари, како и одредена сума пари од преносот на борбата за која гледачите мораа да ја платат за да ја гледаат онлајн.
Ова е трета победа за 24-годишниот Пол во кариерата, кој инаку е познат американски инфлуенсер, актер и рапер.