Кошарка
ФИБА СВЕТСКО ПРВЕНСТВО КИНА 2019

За американскиот селектор Австралија, а не Србија е најголемиот ривал за титулата

22. август 2019 - 12:30 | Ф.З.

Грег Попович смета дека ако шампион не стане САД, тогаш големи шанси тоа да го направи има репрезентацијата на Австралија.

Американците моментално се на подготовки токму во Австралија каде Попович им напомена дека нивната репрезентација ја смета за најголем ривал и тоа не затоа што тој е таму и зборува со нив.

„Австралија за нас е огромна, огромна закана. Тие се тим кој може да стане шампион, без сомневање. Не го велам ова бидејќи јас сум тука. Тоа едноставно е факт... Тие се добри веќе неколку години и сега се гладни за успех. Имаат талент, цврстина и физичка спремност да одат до крај. Без сомневање сметам дека тие се едни од најсериозните кандидати за титулата“, изјави Попович за Associated Press.

„Кенгурите“ имаа проблеми составувајќи го тимот откако Бен Сајмонс од Филаделфија 76ерс отпадна поради повреда, но сепак имаат и тоа како конкурентен состав. Австралијците се во незгодна група со Канада, Литванија и Сенегал.

Составот на квалитетната Австралија:

бекови:
Метју Делаведова - Кливленд Кавалирс, САД
Камерон Глајдон - Бризбејн Булетс, Австралија
Крис Гулдинг - Мелбурн Јунајтед, Австралија
Пати Милс - Сан Антонио Спарс, САД
Нејтан Соби  - Бризбејн Булетс, Австралија

крила:
Дејвид Барлоу - Мелбурн Јунајтед, Австралија
Мич Крик - Саут Ист Мелбурн Феникс, Австралија
Џо Инглс - Јута Џез, САД
Ник Кеј - Перт Вајлдкетс, Австралија

центри:
Арон Бејнс - Феникс Санс, САД
Ендрју Богут - Сидни Кингс, Австралија
Џок Лендејл - Жалгирис, Литванија

Коментирај