На вчерашната премиера на документарецот „Notorious“, Мекгрегор побара да биде дел од сопствениците на UFC доколку тие сакаат да го видат назад во рингот.
Првакот во лесна категорија во UFC им порача на сопствениците дека тој сака да биде сметан како нивен партнер, доколку тие сакаат повторно да го стават во борба.
„Во фаза на преговарање сме, но тие мора конечно да ми го дадат признанието кое го заслужувам. Сакам да ме направат партнер, сакам да добивам пари од телевизиски права, сакам да бидам промотер на борбите“, рече Конор Мекгрегор.
Тој сака „дел од питата“ за неговата заработка да биде сигурна, без разлика дали ќе победува во борбите или не.
Со оглед на тоа што тој ѝ донесе на организацијата скоро милијарда долари со само една борба (онаа со Флојд Мејведер), јасно е зошто бара да биде дел од партнерите, иако знаеме дека Мекгрегор никогаш не се срамел да зборува во јавност на било која тема.