Секој би сакал да живее што е можно подолго и поквалитетно, а денес имаме многу информации и совети за да ги постигнеме таквите цели.
Едно од овие е неодамнешното истражување објавено во The American Journal of Clinical Nutrition во кое се издвојуваат хранливи материи клучни за долговечноста.
Ова се омега-3 масните киселини. Тие се вид на есенцијални масни киселини кои телото не ги синтетизира, туку ги внесува преку исхраната.
Му требаат на телото за извршување на голем број важни функции, како што е контрола на згрутчување на крвта и производство на клеточни мембрани во нашиот мозок. Тие исто така делуваат на спречување на воспалителни процеси, намалување на ризикот од срцеви заболувања, астма, Алцхајмерова болест и деменција.
Има пет најдобри извори на оваа вредна хранлива материја.
Масни риби - рибите најбогати со омега-3 масни киселини се сардела, харинга, пастрмка, скуша, лосос, сардини и туна.
Соја - Производите од соја стануваат сѐ пошироко распространети поради зголемениот број на вегани во популацијата. Еден од најпопуларните производи од соја е тофу.
Семиња - Најдобар избор се семе од сусам, мелено ленено семе и чиа семе.
Масла - Најдобрите масла се маслото од репка и ленено масло.
Јаткасти плодови - оревите, пеканите и лешниците содржат голема количина омега-3, како и бадемите и индиските ореви.
