Совршеното свинско месо се пече на јаболка и кромид, па не само што е сочно, туку и ароматично.
Потребни состојки:
- 2 свински филеа
- 2 лажици авокадово масло
- 1½ лажичка ситна морска сол
- 1 лажица сенф
- 1 лажица сечкани свежи листови мајчина душица
- ¼ лажичка мелен црн бибер
- 2 јаболка
- 2 главици кромид, исечени на коцки
- 1 шолја пилешка супа
- 1 лажица путер
Подготовка:
Загрејте ја рерната на 220°C. Подгответе ја тавата и исчистете го месото од жили. Потоа исчистете го свинското месо со хартиени крпи и истријте го со една лажица масло и 1 и пол лажичка сол. Загрејте една лажица масло во тава на средна топлина.
Кога маслото ќе се загрее, додајте ги свинските филети, вртејќи ги повремено, додека не поруменат, околу 12 минути. Префрлете сѐ на голема чинија или даска за сечење. Јаболката исчистете ги и исечкајте ги на коцки, исто и кромидопт. Заедно пропржете ги на средна температура додека не поруменат околу рабовите, околу 5 минути. Измешајте им 1 лажичка мајчина душица.
Со помош на четка за печиво (или со прстите), истријте го печеното свинско месо со сенф, мајчина душица и црн бибер. Во тавата ставете ги јаболката и кромидот, а врз нив свинските филети и потоа ставете ги во рерна. Печете 10 до 15 минути. Префрлете го свинското месо во голема чинија и покријте го со алуминиумска фолија. Оставете го да отстои околу 10 минути.
Додека свинското месо мирува, вратете ја тавата со јаболката и кромидот во шпорет и загрејте ја на средна температура. Додадете ја пилешката супа и оставете да зоврие и варете додека не се намали за половина. Додадете путер и мешајте додека не се стопи.
Исечете го свинското месо на парчиња и послужете го на подлога од јаболка и кромид со сосот прелиен врз месото.
