Некои луѓе сакаат да вежбаат, но едноставно не сакаат да одат во теретана. Ако сте и вие помеѓу нив, еве како да бидете активни без да одите во теретана.
Кои и да се вашите причини за тоа што не сакате да одите во теретана, тоа не значи дека не можете да вежбате.
Прочитајте за неколку идеи, преку кои ќе уживате во физичките активности надвор од теретаната:
Одење
Одењето е одлична физичка активност и нешто што можете да го правите кога било. Шетајте, одете пешки колку што можете повеќе и инсталирајте си апликација, која ќе ви ги измери поминатите километри и бројот на чекори, за да имате претстава за тоа колку всушност сте биле активни.
Седум минутен тренинг
Ако вежбањето во тертана не ви одговара и не сакате долго да тренирате, тогаш овој седум минутен тренинг е идеален за вас. Погледнете го видеото од овој тренинг кој вклучува кардио и тренинг за сила, а целото ова можете да го направите дома, за седум минути:
Најдоброто од се е тоа што овој брз тренинг можете да го одработите наутро, па така ќе имате можност да уживате во остатокот од денот.
Возење со ролери
Овој тренинг е забавен, а со ролерите многу побргу ќе стигнете до посакуваното место отколку да пешачите.
Пливање
Ако имате пристап до базен, пливањето е одличен начин да се одморите психички, но и да бидете физички што поактивни.
Танц
Дали сакате да играте? На YouTube можете да пронајдете бројни тренинзи кои вклучуваат танц. Не само што тоа е одлична физичка активност и начин добро да се испотите, туку преку играњето се намалуваат анксиозноста и стресот.
Шетајте куче
Ако имате куче како домашно милениче, во тој случај шетајте го што е можно подолго, па на тој начин и двајцата ќе вежбате.
Возете велосипед
Ова е шанса за забавен тренинг, преку кој исто така ќе можете да согорите голем број на калории.