Говедскиот паприкаш со портокал и костен е фантастична комбинација од месо, овошје и зеленчук, која дава посебен вкус, а се прави етапно.
Говедскиот паприкаш со портокал и костен е богато јадење со состојки и различни вкусови, па затоа е и совршена зимска вечера со сладок и земјен вкус на костени во комбинација со цимет и портокал. Послужете со кремасто пире од компири.
Потребни состојки:
- 1,5 кг говедски стекови
- 200 гр панцета (исечкана на коцки)
- 5 лажици маслиново масло
- 2 главици кромид (сечкани)
- 4 чешниња лук (сечкани)
- 3 моркови (грубо сечкани)
- 2 стапчиња целер (густо исечени)
- 1 голем портокал
- 4 големи гранчиња мајчина душица
- 2 стапчиња цимет
- 300 мл црвено вино
- 750 мл говедски булјон
- 5 лажици доматно пире
- малку магдонос (сечкан)
- 250 гр варени костени
- сол
- бибер
- пире од компири (за сервирање)
- тортиљи
Подготовка:
За говедскиот паприкаш со портокал и костен загрејте ја рерната на 140°C. Говедското месо зачинете го со сол и бибер. Загрејте голема тава на средна топлина, додадете панцета и пржете 2-3 минути додека не порумени. Извадете го со лажица со дупки и оставете го на страна. Додадете 1 лажица масло во тавата и, во серии, пржете го говедското месо 5 минути додека не порумени, додавајќи уште масло доколку е потребно. Извадете го и оставете го на страна.
Во истиот сад додадете го преостанатото масло со кромидот, лукот, морковот, целерот и малку сол и бибер. Пржете 10 минути. Излупете 3 ленти кора од портокал и додадете ги во садот заедно со говедското месо, панцетата, мајчината душица и циметот. Истурете вино и булјон, додадете 4 лажици доматно пире и сварете. Покријте и префрлете во рерна 2 часа.
Во меѓувреме, ситно изрендајте ја преостанатата кора од портокал и соединете со магдонос и малку сол. Оставете да се измешаат и да пуштат сокови, за да се искористат на крајот.
Извадете ја тавата од рерна, измешајте ги костените и преостанатото доматно пире, поклопете и вратете во рерна уште 30 минути. Вкусете, зачинете, па послужете посипано со мешавина од магдонос и кора од портокал. Гарнирајте со пире од компири и сервирајте во тортиљи.
