Застрашувачки извештај открива дека патнички авион Boeing 737 за секунди избегнал катастрофа откако при слетувањето во Лидс на патот му се нашол неидентификуван летечки објект.
Извештајот кој Британската служба за безбедност во воздушниот сообраќај го објави е за инцидент кој се случил на 1 септември годинава на Лидс Брадфорд аеродромот во Западен Јоркшир. Непознат светлечки облект дошол на само три метри од авионот кој веќе бил во фаза на слетување. Инцидентот е оценет како Категорија А, односно премногу опасен.
„Двајцатa пилоти одненадеш виделе силна светлина и објект коj се движел кон авионот, речиси директно праволиниски, малку на лево. Објектот се појавил без предупредување и немало време тие да реагираат“, стои во извештајот.
Авион во слетување нема речиси никаква можност за маневар при евентуален судир со било кој објект бидејќи секакво скршнување од веќе поставената патека на слетување може да резултира со уривање на авионот.
Полициски хеликоптер кој во летал во регионот известил дека забележал фенери, но во извештајот се наведува дека кога на пилотите им била посочена таа можност двајцата уверливо ја отфрлиле.
„Никој од пилотите не веруваат дека она кое го виделе било фенер. Дефинитивно постоел ризик од судир“, вели извештајот.
Инаку, под НЛО (неидентификуван летечки објект) не секогаш се подразбира вонземен објект, туку едноставно објект кој не е идентификуван.